Adam / Bible / commandments /
Daniel / Elijah / fish / Goliath /
heaven / Isaac / Jesus /
King Solomon / lamb / Moses /
Noah / olive branch / Paul /
quail / resurrection / Samson /
Tower of Babel / unleavened bread /
vine / whale / Xerxes /
yoke / Zacchaeus
Posted in 手工 | Tagged 聖經故事 | Leave a Comment »
很實用, 可跟着去辦的教案, 也給了我好多靈感.
******************************************
Posted in 書 | Tagged 聖經教學 | Leave a Comment »
經文 — 路加福音19:1-6
我改篇了一個英文劇本, 原出處忘了, 可能是Puppert Resources , 但現在找不到了?!
作者是Kathy Graff, Guess Who’s Coming To Dinner
角色 － 乜師奶（鄰居），該師奶（撒該妻子），撒該，旁述
場地 － 撒該的家
旁述：呢度喺耶利哥城一個有錢人嘅屋企。
乜師奶：該師奶！該師奶！大件事啦…
該師奶：噢… 乜師奶，咩事咁緊張呀？
（乜師奶見該師奶在織冷衫，忘記了自己的來意。）
乜師奶：嘩… 你織緊件冷衫d花紋好靚喎，教我得唔得？
該師奶：唉… 好鬼難織咖，我驚你學唔識喎！
乜師奶：唉呀… 唔好咁講啦，我老公已經成日話我蠢咖啦…
該師奶：喂，你頭先好似有嘢要講我聽喎。
乜師奶：唉呀，差d唔記得咗。聽講你老公今日喺城到爬咗上棵桑樹上面…
該師奶：咩話？做乜做埋d危險動作，為咩事呀佢？
乜師奶：我都聽d唔聽d… 總之d人話佢今日d行為好怪啦！
旁述：喺呢個時候，撒該返緊屋企，末到門口就大叫…
（撒該在門外大叫… ）
撒該：老婆，老婆，我返嚟啦…
乜師奶：一講曹操，曹操就到，我都喺走先啦，唔喺又話我講是非。拜拜!
（乜師奶離去，撒該進屋。）
該師奶：老公，你今日點解咁早返屋企？
撒該：我早d返嚟揾嘢，唔記得擺咗喺邊tim…
該師奶：你揾乜嘢呀？
撒該：我揾個錢袋呀。
該師奶：講開錢，你今日收到d稅錢呢？
撒該：Err … 我… 我比哂人啦！
該師奶：吓？比咗邊個？
撒該：比咗d窮人囉！
該師奶：咩話？你係咪跌親個頭，short咗？
撒該：哽唔係啦！其實…
該師奶：米住，唔通你重要送錢比人？
撒該：係呀！因為耶穌…
該師奶：乜穌話？
撒該：我之前咪講過你聽囉，d人話佢係彌賽亞，即係救主！
該師奶：咁又點喎？同你送錢比人有乜關係？
撒該：我今日爬咗上一棵桑樹上面，一心想見吓佢嘅盧山真面目…
該師奶：原來你真係爬樹嚟！
撒該：佢見到我就吩咐我落嚟，仲話要做我屋企嘅客人。我落地之後就應承佢，將以前呃人地d錢四倍償還，仲要將一半身家周濟窮人。
該師奶：四倍？我暈啦！你應承一個陌生人d咁嘅嘢？
撒該：就係因為我唔識佢，但係佢識我呀！喺人羣之中，佢認到我，親口叫我個名。最重要嘅係佢話今日救恩已經嚟到我嘅家，因為我都係亞伯拉罕嘅子孫。
該師奶：救恩？
（撒該拉著該師奶的手…）
撒該：老婆，耶穌都認識你，佢就嚟到咖啦，你一定要見佢…
（該師奶放開撒該的手，走去拿錢…）
該師奶：好，我地出去門口接佢。呢d錢要還比人…
旁述：自此之後，撒該冇以前咁有錢，但係就開心咗好多。撒該同該師奶從此就快快樂樂咁生活落去啦！
－ 完 －
Posted in 劇本 | Tagged puppert skit, 撒該 | Leave a Comment »
最適合幼稚級主日學用
Danielle’s Place of Crafts and Activities
聖經故事教案, 手工 (有部分內容要附費才可browse及download)
好多有趣的劇本, 有ratings, user comments
我改篇過幾個, 找過成人/小孩演出, 反應好熱烈.
Posted in website | Tagged bible activities, sunday school | Leave a Comment »
